Omutekame Ni Mulele we wa kuteka

Envie este artigo por email

O pintor e a sua tela

Omutekame Ni Mulele we wa kuteka
Albano Neves e Sousa- Rapariga

1.- Kyoso kinzunzumbya kyandondo ubikisa mwanya kulenga, ditadi dimoxi dya kudyelela uvwalela dingi kwa muthu una wala ngo ni upulungu kwila ukambelu wa menya umubeka anga, um kifwa kyenyeki pe, ondomba ilemba dituta dyaxikelela ixinda mu muxima wa athu ditadi dimoxi dyatekiwa ni kudyelela mu mbamba yeyimana kwila uwanena we hanji ombuthu wa kitande mu mbandu jiyadi!  2.- Oditadi kwila mwanya, mu nzungule ya ufolo we, usanyesa omwanya we kwila uxinjika we hanji owusuku mu kilunga kya kalunga, ubana we hanji owubwiminu wa muthu una wala ni mbande mu tulu we kwala kumuminya, mu kuximana woso wezala mwenyu mu dizwi dye mu kwambela kuma wazediwa woso wala ne ku mbamji ye; anga wakambe kuzediwa woso wakal mu kwivila kuma okuya kwe kavutuke dingi kyoso, kidyelele, uzumbuka woso ukala mu kubanza kuma mwanya ufwa! 3.- kukala ni muxima umoxi mu kukala kuzonga okididi kiki wambata athu kutangela, sekukala ni kuzakama kwa kutambula owukumbulwilu, kuma okiteku kwebi mwanya ulondekesa owunzungule wa luminiku lwe, wezala mwenyu wavulu kwila, sekwandala, ulayesa mutumane woso woso uximana, mu kitangana kyoso kyoso kya kizuwa, kutumana mu ndundu ku mbandu ya kalunga ka Lwanda, mwazanga mwenyomo, mu kusambuka we hanji kyandalu kimoxi kyolande ni kamuswinyi kambiji kyozuze um kanu ni kafwadinya ke kyolungise we hanji mu kamenya kofele mu dilonga, kima kyohabike kwala mukwa zanga mu kwivila ku mbanji ye kya, okwaba kwa kukala mona ya akwa zanga enya kwila kulenduka kwa kwatungu mu makanga ma kalunga kwenyoko! 4.- Mu kumona mu kifwa kyenyeki pe, odiyala pe, okalunga kaka, ombiji iyi ni kafwadinya mu dilonga kya ni kamenya we hanji kakambe mongwa, abeka mu kilunji yoso yakexile okihanji kya ndumba dya athu kusambuka mu kamukanda kimoxi anga mu mulele woso woso wa muteke, kima kima kyonzo bana kuzediwa kya kusendula, mukonda ngo dya kukala muthu kumutalela, sekukala ni jipata ja kukala ku polo ya mbutu ni jihatu je kumoxi, kwila mu mawukambelu ma okuswina kwa mwenyu utalala. 5.- Ondonda ya ngunga yazozo kwila ukatesa mwenyu mu kuzumbuka kuzola, ukambesa ngunga kwa yo ukwata mu kwambela kuma iyi mwondona okwiba umukatesa, mu kifwa kya hulakaji wa usatelu, owusembelu kwila mbutu umulumbu mu uvwalelu we. 6.- Ndonda ya kwiba kwila ukatesa muxima wa, mu kizuwa kyakakwiza, kuzediwa, owukambelu wa kuzola udyendesa ni makanda me masanzumuka mu kusota mukwanyi walungu mu muxima okutululuka kwanzambi kwila ububala muxima wadisanze kwila usanzukila, ni kuswina kwila muxima wenyo ulembwa kuweha, okuwaba kwila mbutu, awa, ki isuwama mu izuwa yoso! 7.- Mu kukumbika okulula kwa musanu ubandesa mbimbi ya uxiximinu mu kisuku kya kizongelu ni kizongo kilembwa kubita ku polo ya dikwinyi, muthu umoxi watuluka ufuluka mu kanu mu kukumbulula woso umutandahanyesa, anga umwemwesa we hanji athu akamukwa ala, abutama, ku mbandu yakamukwa ya kisuwamenu ni mahaha mu kanu ku tandu dya ukatelu wa kuxixima kwa, anga ditadi dyenyodyo ubana we hanji owukambelu wa pangu ukatesa woso ukala mubika wa Ngana Nzambi! 8.- Anga, omuxima wenyo pe, mu kukala mu kwivila owukatelu wa makutu kumubokolwesa mu matwi; mu kukema ku tandu dya ukatelu wa kasekelu katunda mu kanu wa athu ana akamba kubanza kuma makutu yoso iyi idisanga, mu dikungu dyenyedi, kwila dizumba odyo dyabolo disanduka woso wakexile we hanji kumuzukama, ulengesa woso ki muthu usambuka ngo odisunga mu mukutu ni mwenyu, mba we hanji ukala mu kwiva mu kiba kye owunemu wa kilunji kyakambe kudilanga. 9.- Okudyelela, kwila okukala kwe kwawisu usanduka odikouwa dyakukuta dya kuma kwabeta kutema, wiza ni kamwanyu ke kwala muthu kamumone kubambuka omukawu wa ukukutilu walungiwa kwala ububilu wa dituta dimoxi kwila mwanya, muvwale wa ndonda ya mwenyu kwila mwene omenya, ubukumuka jinga kuzalesa jimbambe je, mu dixi kwila utundisa, moxi ya ubetelu wa utemenu we kwa menya malenduka ma kixima kwila disenza dyoso dyoso dimuzalesa kwenyoko, kisendulu kya muthu ufika kuma wala ni mbande ya ku kawuka ku ditadi dyenyedi dyakambe kulenduka, okididi kyanzambi kyala ku polo ye! 10.- Owuhanjikilu, wotekame ni mbimbi imoxi isendula muxima wakambe kelenduka, ukalakalesa okyandalu kya kusambela lumbu lwakolo lwa kwila kukamba kudyelela ubika, mu kubandesa omuxima wadibale we kya mu malouwa ma ukambelu wa kuswina!


O PINTOR

E A SUA TELA

1.- Quando a sombra negra impõe ao Sol a sua fuga, um quadro de esperança renasce em quem não tem senão penúria que a falta de água trás e, aí sim, a penumbra que a nuvem negra oferece desenha na alma um quadro pintado de esperança na haste aprumada que divide um bago de feijão em dois! 2.- O quadro em que o Sol, em plena liberdade, irradia a luz que empurra o anoitecer para as trevas do universo, dá respiro a quem tem peito capaz de o absorver, enaltecendo quem de viva voz afirma que é feliz quem o tem por perto; infeliz quem sente que a sua ida não tem regresso quando, afinal, quem fina é quem pensa que o Sol finda! 3.- A unanimidade na apreciação deste cenário leva a dizer, sem o risco de alguém contradizer, que a pintura em que o Sol mostra a plenitude da sua luz é tão viva que, sem querer, aviva qualquer conviva que estima, a qualquer hora do dia, estar presente à beira-mar de Luanda, na ilha, ostentando um querer alcançado com um mufete na boca e farinha mergulhada na água de um prato, coisa que ilhéu inventou para sentir de perto quão bom é ser filho do mar cuja ternura habita os campos da eternidade! 4.- Assim visto, o homem, o mar, o peixe e a farinha num prato com água sem sal, trazem à mente o que era desejo de muitos estaparem no papel ou numa tela qualquer, aquilo que daria um prazer extasiante no simples facto de alguém estar a olhar para ela, sem dúvidas de estar perante a natureza e os seus elementos, sem os quais a vida robusta arrefece. 5.- A causa de um lasso enlace que enferma a vida ao finar o amor, desusa quem diz ser sina o mal que lhe enferma, em mil sacrifícios, o encanto que a natureza à nascença lhe ofertou. 6.- Causa de um mal que faz doer o sentimento de um dia vir a ser feliz, o desamor caminha a passos largos à procura de quem tem guardado na alma a quietude divina que abraça um são coração que expande, com um vigor que a alma não dispensa, a beleza que a natureza, enfim, nem sempre esconde! 7.- Enfrentando o dissabor de uma notícia que faça elevar o tom do desagrado ao extremo de uma escala cujo valor não ultrapasse a dezena, um pacato cidadão espuma a boca ao ripostar quem o alvoroça, fazendo rir aos que se acham, agachados, no outro lado da barricada a gargalhar sobre a dor da sua desventura, dando ao quadro a virtude ausente que enferma quem é servo do Senhor! 8.- E, a alma, ao sentir a dor da mentira invadir-lhe os auditivos; ao gemer sobre a dor da chalaça que sai da boca de quem não pensa ser mentira o que se acha, na tal caverna, cujo odor imundo afasta quem dela se abeira, afugenta não só gente que estampa a prudência no corpo e na alma, mas quem sente na pele o peso da mente incauta. 9.- A esperança, cujo verde afasta o castanho seco da estação mais quente, vem de mansinho para que ninguém a veja atravessar o deserto duma secura vencida pelo cachoar de uma núvem que o sol, progenitor da fonte de vida que é a água, ousa, amiúde, encher os seus limites do vapor que extrai, sob os açoites do seu calor, da água mansa dum lago que um baixio qualquer acama, enlevo de quem se acha capaz de transpôr para a tela impaciente, o cenário divino à sua frente! 10.- A ansiedade, pintada num tom que enleva uma alma carente de emoção, activa o querer de transpôr a forte barreira que um desespero impõe, elevando o sentimento caído na lama do desalento!

Mário Pereira

Comentários

Newsletter


Colabore com o Jornal Cultura - Envie-nos os artigos da sua autoria.

Colaboradores Ver todos